Silas Soule

Silas Soule
militêr
persoanlike bysûnderheden
namme folút	Silas Stillman Soule
nasjonaliteit	Amerikaansk
berne	26 july 1838
berteplak	Bath (Maine)
stoarn	23 april 1865
stjerplak	Denver (Kolorado)
etnisiteit	Ingelsk Frânsk
wurkpaad
tsjinsttiid	1861 – 1865
yn tsjinst fan	Feriene Steaten
legerûnderdiel	lânmacht ● Amerikaanske Leger
heechste rang	kaptein (sûnt 1864)
befel	D Komp./1e Frijw. Kav.reg. f. Kol.
konflikt(en)	Grinsoarloch Amerikaanske Boargeroarloch Kolorado-oarloch
treffen(s)	Slach by Glorieta Pass Bloedbad fan Sand Creek

Silas Soule (folút: Silas Stillman Soule; Bath (Maine), 26 july 1838 – Denver (Kolorado), 23 april 1865) wie in Amerikaansk abolisjonist en militêr dy't belutsen wie by de saneamde Grinsoarloch yn Kansas en dy't letter yn 'e Amerikaanske Boargeroarloch en de Kolorado-oarloch focht. Under it Bloedbad fan Sand Creek, dat yn 1864 troch de territoriale milysje fan Kolorado oanrjochte waard ûnder freedsume Yndianen, wegere Soule in befel om oan 'e slachting mei te dwaan. Neitiid tsjûge er tsjin syn befelfierend ofsier, John M. Chivington en waard koarte tiid letter yn Denver fermoarde, nei't men oannimme mei út wraak foar it tsjûgenis dat er ôflein hie.